આવો તો ય સારું ન આવો તો ય સારું  
 
[પ્રીતિનું પુષ્પ  ખિલે  છે ઘડીભરની જુદાઈમાં
અજંપો લાગતો મીઠો મીઠો પ્રીતની સગાઈમાં]

આવો તો ય સારું ન આવો તો ય સારું
તમારું  સ્મરણ છે  તમારાથી   પ્યારું 

આવો ને જાઓ  તમે ઘડીયલ ઘડી થઈ
યાદ તો તમારી મીઠી અહીંની અહીં રહી
મોંઘુ તમારાથી સપનું તમારું

આવો તો ય સારું ન આવો તો ય સારું
તમારું  સ્મરણ  છે  તમારાથી   પ્યારું 

મિલનમાં મજા શું મજા ઝૂરવામાં
બળીને શમાના  પતંગો  થવામાં
માને ના મનાવ્યું મારું હૈયું નઠારું

આવો તો ય સારું ન આવો તો ય સારું
તમારું  સ્મરણ  છે  તમારાથી   પ્યારું 

સ્વરઃ મુકેશ(૧૯૬૭)
ગીત-સંગીતઃ અવિનાશ વ્યાસ

ક્લીક કરો અને સાંભળોઃ
1967_Aavo_Toy_Saaru-Mukesh-Avinash_Vyas.mp3