માહતાબ સમ મધુરો 

	માહતાબ સમ મધુરો દિલકશ દીદાર તારો
	ઘડવા તને ખુદાએ   બેહદ કમાલ કરી છે
	માહતાબ સમ મધુરો

	ગુલોં મીસાલ કોમલ ખિલતી અને પમરતી
	ગુલઝારની ગુલાબી  મીઠી તું ગુલ કલી છે
	માહતાબ સમ મધુરો  દિલકશ દીદાર તારો

	લાખો ગુલોંની લાલી     રૂખસારમાં સમાવી
	અમૃત ને મધની પ્યાલી તુજ હોઠમાં ભરી છે
	માહતાબ સમ મધુરો    દિલકશ દીદાર તારો

	નીકળે નૂરી સિતારા    નૈનો ચમકતા તારા
	રોશની એ જિસ્મો અંદર જીન્નત ખડી કરી છે
	માહતાબ સમ મધુરો   દિલકશ દીદાર તારો

	જોતાં નઝર ઠરી રે      સૌના જીગર હરી ને
	સંસારને સ્વર્ગ બનાવતી તું દિલકશી પરી છે
	માહતાબ સમ મધુરો    દિલકશ દીદાર તારો
	ઘડવા તને ખુદાએ      બેહદ કમાલ કરી છે

	ગીત: દારા એમ. પ્રિન્ટર (૧૯૪૯)
	સંગીતઃ વિસ્તષ્પ બલસારા
	સ્વર: મુકેશ

ક્લીક કરો અને સાંભળોઃ
1949_Mahtab_Sam_Madhuro-Mukesh.mp3
 
[પાછળ]     [ટોચ]