રાખનાં રમકડાં  
 
	રાખનાં રમકડાં મારા રામે રમતાં રાખ્યાં રે
	મૃત્યુલોકની માટીમાંથી માનવ કહીને ભાખ્યાં રે
	રાખનાં રમકડાં, રમકડાં …

	બોલે ડોલે રોજ રમકડાં, નિત નિત રમત્યું માંડે
	આ મારું આ તારું કહીને એકબીજાને ભાંડે રે
	રાખનાં રમકડાં, રમકડાં …

	એઈ કાચી માટીને કાયામાંથી માયા કેરા રંગ લગાયા
	એજી ઢીંગલા ઢીંગલીએ ઘર માંડ્યાં ત્યાં તો વિંઝણલા વિંઝાયા રે
	રાખનાં રમકડાં, રમકડાં …

	તંત અનંતનો તંત ન તૂટ્યો ને રમત અધૂરી રહી
	તનડા ને મનડાની વાતો આવી એવી ગઈ
	રાખનાં રમકડાં, રમકડાં …


	ચિત્રપટ: મંગળફેરા(૧૯૪૯)
	સ્વર: ગીતા રોય અને એ.આર. ઓઝા 
	ગીત-સંગીત: અવિનાશ વ્યાસ

ક્લીક કરો અને સાંભળોઃ
1949_Mangal_Fera-Rakh_Na_Ramakada.mp3 
[પાછળ]     [ટોચ]