માવજીભાઈએ મનોમન કરેલા સંકલ્પ પ્રમાણેનો આ ૧૦મો અને છેલ્લો યુનિકોડ ફોન્ટ પ્રસ્તુત છે. આ ફોન્ટનું નામ નકામા ફોન્ટ છે અને તે તેના નામ પ્રમાણે ખરેખર નકામા છે. વાપરશો એટલે તમે જાતે જ કહેશો કે આવા તે કંઈ ફોન્ટ હોતા હશે? જે માણસના હસ્તાક્ષર ખરાબ હોય તે પોતાના હસ્તાક્ષરથી ફોન્ટ બનાવવા જાય તે કેવા ખરાબ ફોન્ટ બનાવે તેનો આ નમુનો છે. પણ જો તમારામાં હોંશ હોય તો તમે જાતે આ ખરાબ ફોન્ટને એક સુંદર, સરસ, આકર્ષક ફોન્ટમાં સહેલાઈથી ફેરવી શકશો. તમારે માત્ર એટલું જ કરવાનું છે કે એક સાદો કોરો કાગળ લઈ તેના પર સરસ મરોડદાર અક્ષરમાં ક્ક્કો-બારાખડી જાતે લખવા અથવા કોઈ કલાકાર પાસે લખાવડાવવા અને તે અક્ષરો સ્કેન કરી આ નકામા ફોન્ટમાં રહેલા ભંગાર અક્ષરોના સ્થાને મૂકી દેવાના એટલે એક હાઈ ક્લાસ, મનગમતા ગુજરાતી યુનિકોડ ફોન્ટ તૈયાર! આ કામ જરા પણ મુશ્કેલ નથી. છતાં તમારું આ કામ ક્યાંક અટકી પડે તો માવજીભાઈને રસ્તો પૂછજો. એ તમને પોતાનાથી આવડે તેટલું જરૂરી માર્ગદર્શન આપશે.

તા. ૨૩ ઓગસ્ટ, જૂલાઈ, ૨૦૧૬ :

પ્રસ્તુત છે ગુજરાતી ભાષા માટે એવો પ્રથમ ફ્રી ફોન્ટ કે જેમાં યુનિકોડ ૯.૦ના ગુજરાતી લિપિ માટેના છેલ્લા ધારાધોરણ અનુસારની તમામ ૮૫ ગ્લિફ, પરંપરાગત રીતે વપરાતી મોટા ભાગની વૈકલ્પિક ગ્લિફ, મોટા ભાગના જોડાક્ષરો, વૈદિક પાઠને ગુજરાતીમાં મૂકવા માટે જરૂરી એવા ઉદત્ત, અનુદત્ત વગેરે સંકેતો, છંદશાસ્ત્રના લઘુ, ગુરૂ દર્શકચિહ્નો વગેરે સમાવી લેવાયા છે અને સાથે રોમન લિપિના alphabet, numbers, punctuation marks પણ છે. આ ફોન્ટ વાપરીને તેમાં ક્યાં ક્યાં ભૂલ કે અધુરપ છે તે જરૂર જણાવતા રહેશો.

તા. ૧૦ ઓગસ્ટ, જૂલાઈ, ૨૦૧૬ :

અંગ્રેજીમાં બ્લેક અથવા હેવી ફોન્ટ ઢગલાબંધ મળે છે. હિન્દી-મરાઠીમાં થોડા-ઘણા તો છે પણ ગુજરાતી લિપિ માટે તેની ખોટ સાલે તેવી છે. આથી હેવી ફોન્ટ બનાવવાનો આ નવો પ્રયોગ કર્યો છે. આ ફોન્ટ વાપરીને તે કેવા લાગે છે તે જરૂર જણાવતા રહેશો.

તા. ૨૪ જૂલાઈ, ૨૦૧૬ :

અમદાવાદ યુનિકોડ, વડોદરા યુનિકોડ ફોન્ટ, રાજકોટ યુનિકોડ અને વિજયા યુનિકોડ ફોન્ટ એ ચાર ગુજરાતી-અંગ્રેજી દ્વિભાષી ફોન્ટ પછી હવે બહુભાષી ફોન્ટ બનાવવાનો ઉપક્રમ હાથ ધરાયો છે. આ ઉપક્રમ હેઠળ ભુજ યુનિકોડ બહુભાષી ફોન્ટ ઉપલબ્ધ બનાવાયા બાદ હવે પ્રસ્તુત છે ભાવનગર યુનિકોડ અને સુરત યુનિકોડ ફોન્ટ્સ. ભૂજ, ભાવનગર અને સુરત આ ત્રણે ય ફોન્ટની મદદથી ગુજરાતી-હિન્દી-મરાઠી અને અંગ્રેજી ચારે ય ભાષાના લખાણ સરળતાથી કંપોઝ કરી શકાશે. જો કે સુરત યુનિકોડ ફોન્ટ તો વડોદરા યુનિકોડની માફક માત્ર ડેકોરેટિવ હેડિંગ માટે જ કામમાં આવી શકે તેવો છે.

તા. ૬ જૂલાઈ, ૨૦૧૬ :

અમદાવાદ યુનિકોડ, વડોદરા યુનિકોડ ફોન્ટ, રાજકોટ યુનિકોડ અને વિજયા યુનિકોડ ફોન્ટ ઉપરાંત હવે એક નવો પ્રયોગ કર્યો છે -બહુભાષી ફોન્ટ બનાવવાનો. આજથી ભુજ યુનિકોડ નામનો નવો બહુભાષી ફોન્ટ બધા માટે ઉપલબ્ધ બનાવાયો છે. આ ફોન્ટની મદદથી ગુજરાતી-હિન્દી-મરાઠી અને અંગ્રેજી ચારે ય ભાષાના લખાણ સરળતાથી કંપોઝ કરી શકાશે.

તા. ૧૬ જૂન, ૨૦૧૬ :

અમદાવાદ યુનિકોડ અને વડોદરા યુનિકોડ ફોન્ટ ઉપરાંત રાજકોટ યુનિકોડ અને વિજયા યુનિકોડ ફોન્ટ બધા માટે ઉપલબ્ધ બનાવાઈ રહ્યા છે. આ ફોન્ટ વાપરી લખાણ કરતી વખતે જે ઉણપ અને ક્ષતિ દેખાય તેનો મોબાઈલના કેમેરાથી ફોટો પાડી મોકલી આપવાની સૌને વિનંતી છે.

તા. ૩૧ મે, ૨૦૧૬ :

ગુજરાતી લિપિ માટે યુનિકોડ ફોન્ટ બનાવવા એ મોટું અને ખોટું સાહસ છે એવી એક માન્યતા છે પણ આ ન તો મોટું કામ છે કે ન તો ખોટું કામ. આ તો એક કરવા જેવું કામ છે એટલે આજથી અમદાવાદ યુનિકોડ અને વડોદરા યુનિકોડ ફોન્ટ બધા માટે ઉપલબ્ધ બનાવાઈ રહ્યા છે. આ ફોન્ટ વાપરી લખાણ કરતી વખતે જે ઉણપ અને ક્ષતિ દેખાય તેનો મોબાઈલના કેમેરાથી ફોટો પાડી મોકલી આપવાની સૌને વિનંતી છે.

તા. ૧૮ ફેબ્રુઆરી, ૨૦૧૬ :

ગુજરાતી ભાષાના વિકાસક્રમ અને વ્યાકરણના વિષયમાં રસ ધરાવતા હોય તેમના માટે પૂરક અને વૈકલ્પિક માહિતી રજૂ કરતી પુસ્તિકા ‘વ્યાકરણ પરિચય’માં કેટલાક યોગ્ય ફેરફાર અને સુધારા વધારા કરવામાં આવ્યા છે અને ફોન્ટ તથા દેખાવમાં પણ સુધારો કરાયો છે.

તા. ૧૧ ફેબ્રુઆરી, ૨૦૧૬ :

ગીત-ગુંજન વિભાગમાં નીચે પ્રમાણે પાંચ વધુ ગીત ઉમેરવામાં આવ્યા છેઃ

૫૦૧.    ઉપાધિઓ યે મધુરી લાગે 
          સ્વરઃ  માહેશ્વરી

૫૦૨.    મેઘરાજ આવો મારે દેશ 
          સ્વરઃ ગીતા રોય અને સાથીદારો

૫૦૩.    અલી તું તો ઢળકતી ઢેલ! 
          સ્વરઃ ગીતા રોય

૫૦૪.    તમારા રાજદ્વારોના ખૂની ભભકા નથી ગમતા  
          સ્વરઃ ઉદય મઝુમદાર

૫૦૫.    કહેતા જે દાદી વારતા એવી પરી છે દોસ્ત! 
          સ્વરઃ મનહર ઉધાસ

૪૯૬.    ભર રે નિંદરમાંથી ઝબકીને જાગી 
          સ્વરઃ  સુષ્મા શ્રેષ્ઠા

૪૯૭.    રાતું નિરખું ફૂલ રતુમ્બલ તરૂવર કેરી ડાળ 
          સ્વરઃ આશા ભોસલે

૪૯૮.    હું કહું કે તું કહે વાત એની એ જ છે 
          સ્વરઃ આશા ભોસલે અને મન્ના ડે

૪૯૯.    પાંપણ પાછળ નેણ છુપાવ્યાં પાલવ પાછળ હૈયું  
          સ્વરઃ કવિતા કૃષ્ણમૂર્તિ

૫૦૦.    દુઃખી થાવાને માટે કોઈ ધરતી પર નહિ આવે 
          સ્વરઃ મનહર ઉધાસ

૬૬.    સ્વપ્ન છે, તૂટ્યા કરે; જોયા કરોઃ કાવ્ય-સૂર-સ્વરનો સંગમ
 
૬૭.    તારી ઢીંગલી સાથે મારો ઢીંગલો રમે

૬૮.    એય ઓરી આવે તો કહું એક વાત ખાનગી
 
૬૯.    મધુવનમાં ઝૂરતી આવી બાલા જોગણ હવે ક્યાં જોવા મળે છે?

૭૦.    નિરુદ્દેશે સંસારે મુગ્ધ ભ્રમણ કરી રહેલા કવિવર રાજેન્દ્ર શાહ 

૬૧.    સુરેશ દલાલનું માનીતું ગીત તખ્તાની રાણીના અભિનય સાથે
 
૬૨.    ગરીબ ખત્તા ખાય ને ધનિકનું ધાર્યું સઘળું થાય!

૬૩.    જ્યારે રૂપ-સુવાસથી ભરેલી ચંપાની કળી નાચે છે
 
૬૪.    બંગાળી શ્રોતાઓ માણે છે ગુજરાતી લોકગીતને

૬૫.    સાંજ પડી ઘર આવો બાલમ